أجيك ؟ يسلم راسك وشلون ما أجيك
وياك انت بالذات صعب اتغلى
والله ماأدري من الغلا وين اوديك
تسوى عيوني ... لا .. يمكن بعد اغلى
روحي تنادي لك وقلبي يناديك
ان ضاق صدرك في احديهن تسلى
آآآمر .. تدلل .. مالك الا اللي يرضيك
عليك مافي دنيتي شي يغلى
لاجيت أنادي غيرك .... أسهى وأناديك
غصبٍ علي اليا طروك أتجلى
خذ راحتك بالقلب محدٍ حواليك
قدرك على كل الخلايق تعلى
بس انت تالي الوقت ربي يجازيك
عرفت مقدراك وقمت اتغلى
قلت: اتغلى .. مير زدت بتغلك
والناس قالوا ' من تغلى تخلى ' !!