ما جا على بالي خطاك انت بالذات
لا تعتذر كافي .. يجي منّك اكثر


مات الغرام اللي لك بداخلي مات
ما عاد ينفعك العذر لو تعذّر


ما اقدر خلاص اتحمّل اليوم غلطات
ما اكذب عليك .. انا بديت اتغيّر


بسكات انا جيتك و ابا اروح بسكات
آببتعد و آقول هذا مقدّر


قصّرت و سواتك معي ماهي سواة
هذا مع اني فيك ما كنت اقّصر


طوّفت لك مرّة و مرّة و مرّات
صبرت بس الحين ما ظنّي اصبر


و اليوم انا نادم على كل ما فات
لا تعتذر ما دام عذرك تأخر


هذا جزاي اعطي ولا اقول لك هات
انا اللي استاهل .. يجي منّك اكثر





خالد المريخي