آه من جرح الليالي والحبيب راح عمري في هوى النفس مغبون

الليالي بين خبث وبين طيب وسّطَتْ بي سهمها بين المتون

أمرها في هالسنه أمر ٍ عجيب آه ياعِشّاقها لو تفهمون

إن طرد المجد دربه ما يعيب أعشقه واموت به لا تعذلون

المعالي من طلبها ما يخيب لو تهون الناس راسي ما يهون

ما يثيب العذل فيني ما يثيب إن بغيتوا تعذلون أو تصمتون

عيني اللِّي ماتناظر للقريب عن مرام ٍ خايلت به تقصرون

الفرج من والي الدنيا قريب اسمعوا ياللِّي هدفكم تسمعون