خلني بين الرموش اللِّي وقوف تحت منثور الشعر عند الجبين

لجل عينك ياحبيبي ماتشوف غير زولي كل وقت وكل حين

إن بكيت أمسح دموعك بالكفوف عن خدودك من شمال ومن يمين

جفّ تعبيري وضاعن الحروف ومالقيت إلاّ عذابي والأنين

في فؤادي مثل تخفيق الدفوف لاضربها كف مفتون ٍ حزين

لفتني بالصدّ والهجران لوف ياس مجروح الليالي والسنين

عشت في حبك بحرمان ٍ وخوف وحيرة العاشق على وجهه تبين

في سراب وعود مرهون الظروف كيف يبرى ظامي ٍ جرّ الونين؟!