شيِّعْ الحب والله فيه يحسن عزاك كفّنَهْ شاش ٍ أسود من مقاطيع ياس

الله الله قلبي مرخص ٍ لك غلاك راسي اللِّي بعز النفس صعب المراس

طاعني فيك أنا قلبي وصدّ ونساك الغلا حطّه الله بين ناس ٍ وناس

أسعد ايام عمري يوم أقرر جفاك ساعةٍ ماحسبت حساب كبر المقاس

النفوس العزيزه ماتذل برجاك تحسب إنِّيْ على كيفك ولا بي احساس

رح وربي يهنِّيْ غيرنا في هواك عوّدت بك على ساسك وارضك يباس

ما رماني بحبك بين هذا وذاك غير شوق الندامه للحظوظ التعاس

وأرجى الله يعوّضْنِي بعين الملاك أتلذذ بشوفي للعيون النعاس