الأمل ولعّ بياسك واحترق والظنون بسكة اهمومي تبارى

حالك اشوى بس حالي مافرق في ظلام السهد سامرت الحيارى

النجاة تواعد العين الغرق والليالي البيض تضحك للسهارى

كلّما طيفك على عيني برق قلت ياستّار ياخذني جهارا

ليت صبحك في سما حبي شرق لو اخيَّرْ مالي بغيرك خيارا

لا تخليني براس المفترق بين همّ وبين غمّ وبين نارا

ودي إنِّيْ مثل حبّات العرق في جبينك تندي بعز ووقارا

قبل ما يطوي على الغصن الورق احيني بالوصل ياسيد العذارى