لا تعاتبني ولا ترجي خضوعي إنتهى بي حبك الكاذب بلاش

الهنا ما تستحي منه الدموعي والأسى لعيونك الخجله فراش

تحسب إنِّكْ بالوصل طَمّنْتْ روعي في فؤادي بالغلا لك مابقاش

كيف تطلبني وفا وأنته قطوعي والزهور اللِّي لك بقلبي عطاش

كلّ بال ٍ بالغلا يرمع رموعي وكن عند اللِّي حضر مابينناش

دام شمسك ما أشرقت لي بالطلوعي كيف تبغى النور في درب العتاش

موعد الشوفه على رأس السبوعي وتكثر أعذار المخالف بالنقاش