ارحم اللِّي ليلة الحفله معك بينهم نورك يشعشع لي سناه

الله اللِّي ياهوى البال رفعك فوق تاج الزين كلّه ياحلاه

كلّ عين ٍ نونها في مطلعك في بهاك معاندك ضيّعْ بهاه

كل ماشفت النواظر تتبعك من غرامي زاد جرحي في حشاه

نادني برموش عينك واسمعك يا حبيبي جدِّد لعمري هناه

لو سهر عيني يفيد وينفعك والله إن أجفا منامي واعصاه

لا تخلِّي خافق ٍ ماودّعك ودّعه بالوصل لايكثر عناه

أدري إن مواصلي هو مطمعك بس أخاف إن الرجاء يقطع وفاه