سلامة عين بالدمعة بكت لي تبادلني غلاها من غلاها

يعزّ الدمع في عين ٍ شكت لي من الحرمان ماجدّدْ عناها

بنظرة شوق تاهت وارمشت لي لياليها تواعدني هناها

تقول اكتب قصيدك والتفت لي تبي تقفي وتقفي بي وراها

صدوق الود ماينوي بقتلي وعينه حلّ بالخافق قضاها

ياليت الوقت وظروفه صفَتْ لي معك بالحب يامنبع وفاها

وترى الأقدار بالهجر عزفت لي مواويلٍ يساهرني صداها

ولو بالحب نفسي سوّلَتْ لي نهيت النفس لا تتبع هواها