يفداك من شافك على مرّ الايام ياتاج راسي في ليال الشدايد

إن رحت زارتني هواجيس وأوهام وإن جيت راح الهم عنِّيْ بدايد

وإن زرتني بالطيف والاّ بالأحلام كتبت فيك أجمل حروف وقصايد

في حرب حب عيونك السود من عام ماعاد للغالين قبلك شرايد

فيك أنت قلبٍ منك ياصاحبي هام لأجل الغلا ياطا على كلّ كايد

ولا يبيع الشوق لعيون من سام من غير حبّك مايريد الفوايد

حبٍّ عظيم بالغلا يلزم إلزام الخافق اللِّي بالهوى له عوايد

إهدْ المنام لعاشق ٍ مابعد نام روس الأصابع له فراش ووسايد