قلبي اللي لواه مْن الصواديف لاوي جرّحته الليالي و الحظوظ الرديّه

و الله أنّي بوسط الناس كنّي خلاوي من يلوم المفارق عقب فرقا خويّه

أشهد ان المفارق من عظيم البلاوي مير هذا نصيبك يالعيون الشقيّه

أتجلّد و أقول أنّي على البعد قاوي و الله أعلم بقلبٍ فيه الأشواق حيّه

كيف راحت يابو تركي حياتي شقاوي وين درب السعاده و الحياة الهنيّه

ليت لأهل الهوى و الحب قاضي دعاوي كان أداعي عيون اللي فراقه خطيّه

كنّي المبلي اللي قطّعته المكاوي كلّما جظّ بالونّات زادوه كيّه