ترى الصدفة الحلوه خذتني على ما اريد خذتني لبحر عيون تقذف بي امواجه

أشوفه وهو جنبي من الشوق راح بعيد عليه العيون وكل الأرقاب منعاجه

بياض النحر لي لاح لي مع بياض الجيد شكا لي قمر خمسة عشر ياملا احراجه

وبعض الصدف ماكنها إلاّ نهار العيد إلى من حصل حبٍ تكمِّلْه بمواجه

سعوا بيني وبينك هل الهرج بالتنكيد وأنا فيك ما طاوعت يازين هرّاجه

عسى الله يمدِّدْ بالوصل يمكم ويعيد على شان نفسي منك للوصل محتاجه

ترى اللِّي حكا لي فدوتك يا ملاك الغيد وعسى حظِّي الميِّتْ معك ينهض حجْاجه